Fertiliser calculator-ನಿಮ್ಮ ಬೆಳೆಗೆ ಎಷ್ಟು ಗೊಬ್ಬರ ಹಾಕಬೇಕು,ಎಷ್ಟು ಔಷದಿ ಸಿಂಪಡಣೆ ಮಾಡಬೇಕು? ನಿಮ್ಮ ಮೊಬೈಲ್ ನಲ್ಲೇ ಹೀಗೆ ಚೆಕ್ ಮಾಡಿ

Fertiliser calculator-ನಿಮ್ಮ ಬೆಳೆಗೆ ಎಷ್ಟು ಗೊಬ್ಬರ ಹಾಕಬೇಕು? ನಿಮ್ಮ ಮೊಬೈಲ್ ನಲ್ಲೇ ಹೀಗೆ ಚೆಕ್ ಮಾಡಿೇ

ಮೊದಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ 

https://youtu.be/4LtdZMiUqEU 

ನಂತರ ಈ ಕೆಳಗಿನ ಮತ್ತೊಂದು ಲಿಂಕ್ ಮೇಲೆ ಕ್ಲಿಕ್ ಮಾಡಿ

https://play.google.com/store/apps/details?id=com.easy.fertilizer.calculator

ನಂತರ ಈ ಕೆಳಗಿನ Fertiliser calculators ಅಪ್ಲಿಕೇಷನ್ ಡೌನ್ಲೋಡ್ ಮಾಡಿ

ನಂತರ ನಿಮ್ಮ ಬಾಷೆಯನ್ನು Select ಮಾಡಿ

ನಿಮ್ಮ ಗೊಬ್ಬರದ ಚೀಲದ ಮೇಲೆ N:P:K ಕೆಳಗಡೆ ಗೊಬ್ಬರದಲ್ಲಿರುವ NPK ಪ್ರಮಾಣವನ್ನು ಬರೆದಿರುತ್ತಾರೆ, ಆದರೆ ಎಕರೆಗೆ ಎಷ್ಟು kg ಗೊಬ್ಬರ ಹಾಕಬೇಕು ಎಂದು ತಿಳಿಯಲು NPK ಪ್ರಮಾಣವನ್ನು ನಮೂದಿಸಿ. ಉದಾಹರಣೆಗೆ ಯೂರಿಯಾ ಗೊಬ್ಬರದಲ್ಲಿ 46% ಸಾರಜನಕ ಇರುತ್ತದೆ. ಅದಕ್ಕಾಗಿ N ಮುಂದೆ 46 ಹಾಗೂ P ಮತ್ತು K ಮುಂದೆ "0" ಎಂದು ಹಾಕಿ calculate ಮೇಲೆ ಕ್ಲಿಕ್ ಮಾಡಿ

ಈ ಕೆಳಗಿನಂತೆ ಎಕರೆ ಅಥವಾ ಹೆಕ್ಟೇರ್ Select ಮಾಡಿದರೆ, ಎಕರೆಗೆ 100kg urea ಗೊಬ್ಬರವನ್ನು ಹಾಕಬೇಕು ಎಂದು ತೋರಿಸುತ್ತದೆ.

ಅದೇ ರೀತಿ ಔಷದಿ ಪ್ರಮಾಣವನ್ನು ಸಹ calculate ಮಾಡಬಹುದು.

ಅದೇ ರೀತಿ ಬಿತ್ತನೆ ಬೀಜದ ಪ್ರಮಾಣ ಹಾಗೂ ನಾಟಿ ಮಾಡಬಹುದಾದ ಸಸಿಗಳ ಸಂಖ್ಯೆಯನ್ನು ಸಹ ಲೆಕ್ಕ ಮಾಡಬಹುದು

ಏನೀದು Fertliser calculator ಅಪ್ಲೀಕೇಷನ್?

ಬೆಳೆಗಳಿಗೆ ಎಷ್ಟು ಪ್ರಮಾಣದ ಗೊಬ್ಬರ ಹಾಕಬೇಕು? ಸಾರಜನಕ, ರಂಜಕ ಮತ್ತು ಪೊಟ್ಯಾಷ್‌ ಪ್ರಮಾಣ ಎಷ್ಟಿರಬೇಕು? ಈ ತಿಳಿವಳಿಕೆ ಹಲವು ರೈತರಲ್ಲಿ ಇರುವುದಿಲ್ಲ. ಬೆಳೆ ಸರಿಯಾಗಿ ಬರದಿರಲು ಇದೂ ಒಂದು ಪ್ರಮುಖ ಕಾರಣ. ಕೋಲಾರ ಮೂಲದ ಕೃಷಿ ತಜ್ಞರೊಬ್ಬರು ಅಭಿವೃದ್ಧಿಪಡಿಸಿರುವ ''ಫಾರ್ಮ್‌ ಕ್ಯಾಲ್ಕುಲೇಟರ್‌'' ಆ್ಯಪ್‌ ಈ ಸಮಸ್ಯೆ ನಿವಾರಣೆಗೆ ನೆರವಾಗುತ್ತದೆ. ರೈತರಷ್ಟೇ ಅಲ್ಲದೇ, ಕೃಷಿ ಅಧಿಕಾರಿಗಳು ಹಾಗೂ ಗೊಬ್ಬರದಂಗಡಿಯವರಿಗೂ ಇದು ಸಹಾಯಕ. 

ಬೆಂಗಳೂರಿನ ಗಾಂಧಿ ಕೃಷಿ ವಿಜ್ಞಾನ ಕೇಂದ್ರದಲ್ಲಿ (ಜಿಕೆವಿಕೆ) ಸಹಾಯಕ ಪ್ರಾಧ್ಯಾಪಕರಾಗಿ ಕೆಲಸ ಮಾಡುತ್ತಿರುವ ವಿಶ್ವನಾಥ ಕೋಟಿ ಅವರು ಅಭಿವೃದ್ಧಿಪಡಿಸಿರುವ ಈ ಆ್ಯಪ್‌ಅನ್ನು ಈವರೆಗೆ 96 ಸಾವಿರ ಜನ ಡೌನ್‌ಲೋಡ್‌ ಮಾಡಿಕೊಂಡಿದ್ದಾರೆ. 2015ರಲ್ಲಿ ''ಫರ್ಟಿಲೈಸರ್‌ ಕ್ಯಾಲ್ಕುಲೇಟರ್‌'' ಹೆಸರಿನಲ್ಲಿ ಅಭಿವೃದ್ಧಿ ಪಡಿಸಿದ್ದ ಈ ಆ್ಯಪ್‌ ಅನ್ನು ಸುಧಾರಣೆ ಮಾಡಿ, ಎಂಟು ತಿಂಗಳ ಹಿಂದಷ್ಟೇ ''ಫಾರ್ಮ್‌ ಕ್ಯಾಲ್ಕುಲೇಟರ್‌'' ಎಂದು ಪುನರ್‌ ನಾಮಕರಣ ಮಾಡಿದ್ದಾರೆ. ಆಫ್‌ಲೈನ್‌ನಲ್ಲೂ ಕೆಲಸ ಮಾಡುವುದು ಇದರ ವಿಶೇಷ.

ವಿಶ್ವನಾಥ್‌ ಅವರು 2015ರಲ್ಲಿ ಮಂಡ್ಯದ ಕೃಷಿ ಸಂಶೋಧನಾ ಕೇಂದ್ರದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಕೆಲಸ ಮಾಡುತ್ತಿದ್ದರು. ಬೆಳೆಗೆ ಯಾವ ಪ್ರಮಾಣದ ಗೊಬ್ಬರ ಹಾಕಬೇಕು? ಯಾವಾದ ಯಾವ ಪೋಷಕಾಂಶ ನೀಡಬೇಕು ಎಂದು ಎಲ್ಲ ರೈತರೂ ಪ್ರಶ್ನಿಸುತ್ತಿದ್ದರು. ಗೊಬ್ಬರ ಬಳಕೆ ಲೆಕ್ಕಾಚಾರಕ್ಕೆ ಆ್ಯಪ್‌ ಅಭಿವೃದ್ಧಿಪಡಿಸುವ ವಿಚಾರ ಆವಾಗ ಅವರಿಗೆ ಬಂತು.
ಸಾರಜನಕ, ರಂಜಕ ಮತ್ತು ಪೊಟ್ಯಾಶಿಯಂನ ಸಂಯೋಜನೆಗಳನ್ನು ಒಳಗೊಂಡ ಒಂದು ಕೋಷ್ಟಕ ತಯಾರಿಸಿಕೊಂಡು ಬೆಂಗಳೂರಿಗೆ ಹೊರಟರು. ಈ ಕೋಷ್ಟಕಗಳಲ್ಲಿರುವ ದತ್ತಾಂಶಗಳನ್ನು ಡೆವಲಪರ್‌ವೊಬ್ಬರು ಆ್ಯಪ್‌ ರೂಪಕ್ಕೆ ತಂದರು. ಕೆಲವೇ ತಿಂಗಳುಗಳಲ್ಲಿ ಈ ಆ್ಯಪ್‌ ಜನಪ್ರಿಯತೆ ಗಳಿಸಿತು. ವಿಶ್ವನಾಥ್‌ ಅವರ ಫಾರ್ಮ್‌ ಕ್ಯಾಲ್ಕುಲೇಟರ್‌ ಆ್ಯಪ್‌ಗೆ ಗೂಗಲ್‌ ಪ್ಲೇಸ್ಟೋರ್‌ನಲ್ಲಿ 4.3 ರೇಟಿಂಗ್‌ ಲಭ್ಯವಾಗಿದೆ. ವಾಟ್ಸ್‌ಆ್ಯಪ್‌ನಲ್ಲಿ ಗ್ರುಪ್‌ ರಚಿಸಿಕೊಂಡು ಈ ಆ್ಯಪ್‌ ಬಗ್ಗೆ ಅವರು ಇನ್ನಷ್ಟು ಜಾಗೃತಿ ಮೂಡಿಸುತ್ತಿದ್ದಾರೆ.

ಗೊಬ್ಬರ ಲೆಕ್ಕಾಚಾರ: ಸಾರಜನಕ, ರಂಜಕ ಮತ್ತು ಪೊಟ್ಯಾಶಿಯಂ ಬೆರೆಸುವ ಪ್ರಮಾಣದಲ್ಲಿ ಒಂದಿಷ್ಟು ವ್ಯತ್ಯಾಸವಾದರೂ ಅದು ಬೆಳೆಯ ಮೇಲೆ ಪರಿಣಾಮ ಬೀರುತ್ತದೆ. ಈ ನಿಟ್ಟಿನಲ್ಲಿ ಗೊಬ್ಬರದ ಅಂಗಡಿಯವರು ಜಾಗರೂಕರಾಗಿ ಲೆಕ್ಕ ಹಾಕಿ ಮೂರು ಪೋಶಕಾಂಶವನ್ನು ಹೊಂದಾಣಿಕೆ ಮಾಡುತ್ತಾರೆ. ಮಾರುಕಟ್ಟೆಯಲ್ಲಿ ಸಾರಜನಕ, ರಂಜಕ, ಪೊಟ್ಯಾಶಿಯಂ ಸಂಯೋಜಿತ 14 ಗೊಬ್ಬರಗಳು ರೆಡಿಮೇಡ್‌ ರೂಪದಲ್ಲಿ ಸಿಗುತ್ತವೆ. ಅದನ್ನು ಹೊರತುಪಡಿಸಿ ಕೆಲವು ಸಮಯಗಳಲ್ಲಿ ಹೊಸ ಸಂಯೋಜನೆಗಳು ಬೇಕಾಗುತ್ತವೆ. ಆಗ ಈ ಆ್ಯಪ್‌ ಬಳಕೆಗೆ ಬರುತ್ತದೆ.

ಇನ್ನಷ್ಟು ಫೀಚರ್‌ ಸೇರಿಸುವ ಆಕಾಂಕ್ಷೆ : ವಿಶ್ವನಾಥ್‌ ಅವರಿಗೆ ತಮ್ಮ ಆ್ಯಪ್‌ನಲ್ಲಿ ಇನ್ನಷ್ಟು ಫೀಚರ್‌ಗಳನ್ನು ಸೇರಿಸುವ ಹಂಬಲವಿದೆ. ಮಣ್ಣು ಪರೀಕ್ಷೆ ನಂತರ ಗೊಬ್ಬರವನ್ನು ಯಾವ ಪ್ರಮಾಣದಲ್ಲಿ ಸೇರಿಸಬೇಕು. ಭತ್ತ ಎಂದು ಟೈಪ್‌ ಮಾಡಿದ ಕೂಡಲೇ ಯಾವ್ಯಾವ ತಳಿಗೆ ಎಷ್ಟು ಗೊಬ್ಬರ ಹಾಕಬೇಕೆಂಬ ಫಲಿತಾಂಶ ಸಿಗಬೇಕೆಂಬ ಕನಸು ಅವರಿಗಿದೆ. ಇದನ್ನು ಕೋಷ್ಟಕ ರೂಪದಲ್ಲಿ ಅಭಿವೃದ್ಧಿ ಪಡಿಸುತ್ತಿದ್ದಾರೆ. ಎಲ್ಲ ಅಂದುಕೊಂಡಂತೆ ಆದರೆ ಮುಂದಿನ ವರ್ಷ ಹೊಸ ಫೀಚರ್‌ಗಳು ಸೇರಿಕೊಳ್ಳಲಿವೆ.

 
ಆ್ಯಪ್‌ನಲ್ಲಿ ಏನೇನಿದೆ?: ಗೊಬ್ಬರ ಲೆಕ್ಕಾಚಾರ ಈ ಆ್ಯಪ್‌ನ ಪ್ರಮುಖ ಫೀಚರ್‌. ಅದನ್ನು ಹೊರತುಪಡಿಸಿ ಇನ್ನೂ ಮೂರು ಕ್ಯಾಲ್ಕುಲೇಟರ್‌ ಅನ್ನು ಈ ಆ್ಯಪ್‌ ಒಳಗೊಂಡಿದೆ. ಕ್ರಿಮಿನಾಶಕ, ಶಿಲೀಂದ್ರ ನಾಶಕಗಳನ್ನು ಎಷ್ಟು ಎಕರೆಗೆ, ಎಷ್ಟು ಲೀಟರ್‌ ನೀರಿಗೆ ಹಾಗೂ ಯಾವ ಪ್ರಮಾಣದಲ್ಲಿ ಬೆರೆಸಬೇಕು ಎಂಬುದನ್ನು ಇಲ್ಲಿ ಲೆಕ್ಕ ಹಾಕಬಹುದು. ಇರುವ ಸಸಿಗಳೆಷ್ಟು? ಎಷ್ಟು ಎಕರೆ ಜಾಗದಲ್ಲಿ ನೆಡಬೇಕು? ಸಸಿಗಳ ನಡುವೆ ಎಷ್ಟು ಅಂತರವಿರಬೇಕು ಎಂಬುದನ್ನು ದಾಖಲಿಸಿದರೆ ಇಂತಿಷ್ಟು ಪ್ರದೇಶದಲ್ಲಿ ವ್ಯವಸಾಯ ಮಾಡಲು ಇಷ್ಟೇ ಸಸಿಗಳ ಅಗತ್ಯ ಇದೆ ಎಂಬುದನ್ನು ಈ ಆ್ಯಪ್‌ ತೋರುತ್ತದೆ. ಅದೇ ರೀತಿ ನೂರು ಗ್ರಾಂ ಪೊಟ್ಟಣದಲ್ಲಿ ಎಷ್ಟು ಬೀಜಗಳಿರುತ್ತದೆ ಎಂಬುದನ್ನು ದಾಖಲಿಸಿದರೆ ಇಂತಿಷ್ಟು ಎಕರೆಗೆ ಇಷ್ಟೇ ಬಿತ್ತನೆ ಬೀಜ ಬೇಕು ಎಂಬುದನ್ನೂ ಫಲಿತಾಂಶದಲ್ಲಿ ನೋಡಬಹುದು.

ಬಹು ಭಾಷೆಗಳಲ್ಲಿ ಲಭ್ಯ: ಫರ್ಟಿಲೈಸರ್‌ ಕ್ಯಾಲ್ಕುಲೇಟರ್‌ ಆ್ಯಪ್‌ ಜನಪ್ರಿಯತೆ ಗಳಿಸಿದ ಬಳಿಕ ಅದನ್ನು ಇನ್ನಷ್ಟು ಭಾಷೆಗಳಿಗೆ ಅಳವಡಿಸಲು ವಿಶ್ವನಾಥ್‌ ಚಿಂತಿಸಿದರು. ಗೂಗಲ್‌ ಟ್ರಾನ್ಸ್‌ಲೇಟರ್‌ ಪ್ಲಗ್‌ ಇನ್‌ ಅಳವಡಿಸುವ ಮೂಲಕ ಆ್ಯಪ್‌ಅನ್ನು ಹಿಂದಿ, ತಮಿಳು, ತೆಲುಗು, ಮಲಯಾಳಂ, ಮರಾಠಿಗೆ ವಿಸ್ತರಿಸಿದರು. ಭಾಷೆಗಳ ಸಂಖ್ಯೆ ಹೆಚ್ಚಾದ ಹಿನ್ನೆಲೆಯಲ್ಲಿ ಹೊರ ರಾಜ್ಯಗಳಲ್ಲೂ ಈ ಆ್ಯಪ್‌ ಬಳಕೆ ಹೆಚ್ಚಾಯಿತು. ಮೊದಲಿನಿಂದಲೂ ಇಂಗ್ಲಿಷ್‌ ಭಾಷೆಯಲ್ಲಿ ಇದ್ದ ಕಾರಣ ವಿದೇಶಗಳಲ್ಲೂ ಈ ಆ್ಯಪ್‌ ಡೌನ್‌ಲೋಡ್‌ ಆಗುತ್ತಿವೆ.
ಆಸಕ್ತರು ವಿಶ್ವನಾಥ ಕೋಠಿ ಅವರ ಮೊಬೈಲ್‌ ನಂ. 9108925969 ಸಂಪರ್ಕಿಸಬಹುದು.