ಕೇಂದ್ರದಿಂದ ಬಂಪರ್‌ ಗಿಫ್ಟ್‌: ರೈತರಿಗೆ ಕುರಿ, ಕೋಳಿ, ಹಂದಿ ಸಾಕಾಣಿಕೆಗೆ ಬರೊಬ್ಬರಿ 25 ಲಕ್ಷ ರೂ ಸಬ್ಸಿಡಿ..! ಹೀಗೆ ಅರ್ಜಿ ಸಲ್ಲಿಸಿ.!

ಸರ್ಕಾರವು 2021-22ನೇ ಸಾಲಿನಿಂದ ಜಾರಿಗೆ ತಂದಿರುವ ಪರಿಷ್ಕೃತ ರಾಷ್ಟ್ರೀಯ ಜಾನುವಾರು ಮಿಷನ್ ಗ್ರಾಮೀಣ ಪ್ರದೇಶಗಳಲ್ಲಿ ಕೋಳಿ, ಕುರಿ ಮತ್ತು ಹಂದಿ ಸಾಕಾಣಿಕೆ ವಲಯಕ್ಕೆ ಹೊಸ ಚೈತನ್ಯ ತುಂಬುತ್ತಿದೆ. ಉದ್ಯಮಶೀಲತೆ ಅಭಿವೃದ್ಧಿ, ಉದ್ಯೋಗ ಸೃಷ್ಟಿ ಮತ್ತು ಪ್ರತಿ ಪ್ರಾಣಿಯ ಉತ್ಪಾದಕತೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿರುವ ಈ ಮಿಷನ್ ಅಡಿಯಲ್ಲಿ, ಅರ್ಹ ಫಲಾನುಭವಿಗಳಿಗೆ ಯೋಜನಾ ವೆಚ್ಚದ 50% (ಗರಿಷ್ಠ ₹25 ಲಕ್ಷ) ರಷ್ಟು ಸಹಾಯಧನ ನೀಡಲಾಗುತ್ತಿದೆ.

ಮುಖ್ಯ ಅಂಶಗಳು

ಕೋಳಿ ಫಾರ್ಮ್, ಹ್ಯಾಚರಿ, ಮದರ್ ಯೂನಿಟ್ ಸ್ಥಾಪನೆಗೆ 50% ಸಹಾಯಧನ

ಗರಿಷ್ಠ ಮಿತಿ ₹25 ಲಕ್ಷ

ವೈಯಕ್ತಿಕ ರೈತರು, SHG, FPO, ಸಹಕಾರಿ ಸಂಘಗಳು, ಉದ್ಯಮಿಗಳು - ಎಲ್ಲರು ಅರ್ಹ

1,000 ಪೋಷಕ ಲೇಯರ್‌ಗಳು / ವಾರಕ್ಕೆ 3,000 ಮೊಟ್ಟೆ ಮರಿ ಸಾಮರ್ಥ್ಯ / 2,000 ಮರಿಗಳ ಮದರ್ ಯೂನಿಟ್ ಅಗತ್ಯ

ಎರಡು ವರ್ಷಗಳವರೆಗೆ ರಾಜ್ಯ ಅನುಷ್ಠಾನ ಸಂಸ್ಥೆಯಿಂದ ತಾಂತ್ರಿಕ-ಪ್ರಶಿಕ್ಷಣ ಬೆಂಬಲ

ಅರ್ಜಿ ಸಲ್ಲಿಕೆ NLM ಪೋರ್ಟಲ್ ಮೂಲಕ: https://nlm.udyamimitra.in/

ಯೋಜನೆಯ ಉದ್ದೇಶಗಳು

ಸಂಘಟಿತವಲ್ಲದ ಗ್ರಾಮೀಣ ಕೋಳಿ ಸಾಕಾಣಿಕೆಯನ್ನು ಸಂಘಟಿತ ವಲಯಕ್ಕೆ ತರುವುದು, ಗ್ರಾಮೀಣ ಪ್ರದೇಶಗಳಲ್ಲಿ ಉದ್ಯಮಶೀಲತೆಯನ್ನು ಮತ್ತು ಆದಾಯವನ್ನು ಹೆಚ್ಚಿಸುವುದು, ಉತ್ಪಾದನೆ-ಮಾರಾಟಕ್ಕಾಗಿ ಮುಂಭಾಗ ಮತ್ತು ಹಿಂಭಾಗದ ಸಂಪರ್ಕಗಳನ್ನು ಬಲಪಡಿಸುವುದು, ಕಡಿಮೆ ವೆಚ್ಚದ ಆಹಾರ ಪದ್ಧತಿಗಳನ್ನು ಪ್ರಚಾರಕ್ಕೆ ತರುವುದು.

ಯೋಜನೆಯ ಪ್ರಮುಖ ಅಂಶಗಳು

1. ಪೋಷಕ ಲೇಯರ್ ಫಾರ್ಮ್‌ಗಳು

ಕನಿಷ್ಠ 1,000 ಪೋಷಕ ಲೇಯರ್‌ಗಳು ಇರಬೇಕು.

2. ಹ್ಯಾಚರಿಗಳು

ವಾರಕ್ಕೆ 3,000 ಮೊಟ್ಟೆಗಳನ್ನು ಮರಿ ಮಾಡಲು ಸಾಮರ್ಥ್ಯ ಇರಬೇಕು.

3. ಮದರ್ ಯೂನಿಟ್‌ಗಳು

ಸುಮಾರು 2,000 ಮರಿಗಳನ್ನು 4 ವಾರಗಳವರೆಗೆ ಪೋಷಿಸುವ ವ್ಯವಸ್ಥೆ ಅಗತ್ಯ.

ರಾಜ್ಯ ಅನುಷ್ಠಾನ ಸಂಸ್ಥೆಯಿಂದ 2 ವರ್ಷಗಳವರೆಗೆ ಮಾರ್ಗದರ್ಶನ, ಮോണಿಟರಿಂಗ್ ಮತ್ತು ತಾಂತ್ರಿಕ ಬೆಂಬಲ ಒದಗಿಸಲಾಗುತ್ತದೆ.

ಯೋಜನೆಯಡಿ ದೊರೆಯುವ ಆರ್ಥಿಕ ಪ್ರಯೋಜನಗಳು

ಯೋಜನಾ ವೆಚ್ಚದ 50% ರಷ್ಟು ಸಹಾಯಧನ (ಗರಿಷ್ಠ ₹25 ಲಕ್ಷ)

ಹೊಸ ಫಾರ್ಮ್ ಸ್ಥಾಪನೆ ಮತ್ತು ವಿಸ್ತರಣೆಗೆ ದೊಡ್ಡ ಮಟ್ಟದ ಬೆಂಬಲ

ಗ್ರಾಮೀಣದಲ್ಲಿ ಉದ್ಯೋಗ ಸೃಷ್ಟಿ ಮತ್ತು ಸ್ಥಳೀಯ ಆರ್ಥಿಕ ಸುಧಾರಣೆ

ತಾಂತ್ರಿಕ ತರಬೇತಿ ಮತ್ತು ವೈಜ್ಞಾನಿಕ ಸಾಕಾಣಿಕೆ ಪದ್ಧತಿಗಳ ಮಾರ್ಗದರ್ಶನ

ಉತ್ಪನ್ನಗಳಿಗೆ ಸದೃಢ ಮಾರುಕಟ್ಟೆ ಸಂಪರ್ಕ

ಸಹಾಯಧನಕ್ಕೆ ಅರ್ಹರು ಯಾರು?

ವೈಯಕ್ತಿಕ ರೈತರು

ಸ್ವಯಂ ಸಹಾಯ ಗುಂಪುಗಳು (SHG)

ರೈತ ಉತ್ಪಾದಕ ಸಂಸ್ಥೆಗಳು (FPO)

ಜಂಟಿ ಹೊಣೆಗಾರಿಕೆ ಗುಂಪುಗಳು

ರೈತ ಸಹಕಾರಿ ಸಂಘಗಳು

ಖಾಸಗಿ ಕಂಪನಿಗಳು ಮತ್ತು ಉದ್ಯಮಿಗಳು

ಕೋಳಿ ವಲಯದಲ್ಲಿ ಕಾರ್ಯನಿರ್ವಹಿಸುವ ಎನ್‌ಜಿಒಗಳು

ಅರ್ಜಿದಾರರಿಗೆ ಅಗತ್ಯವಿರುವ ಮೂಲಭೂತ ಅವಶ್ಯಕತೆಗಳು

ಸ್ವಂತ ಅಥವಾ ಗುತ್ತಿಗೆ ಪಡೆದ ಭೂಮಿ

KYC ದಾಖಲೆಗಳು ಸಂಪೂರ್ಣ

ಬ್ಯಾಂಕ್ ಸಾಲ ಮಂಜೂರಾತಿ ಅಥವಾ ಸ್ವಯಂ ಹಣಕಾಸು ಸಾಕ್ಷ್ಯ

ಸಾಕಾಣಿಕೆ ಕ್ಷೇತ್ರದಲ್ಲಿ ಅನುಭವ ಅಥವಾ ತರಬೇತಿ ಪಡೆದ ಸಿಬ್ಬಂದಿ

ವಿವರವಾದ ಯೋಜನಾ ವರದಿ (DPR)

ಸಹಾಯಧನಕ್ಕೆ ಅರ್ಹವಲ್ಲದ ವೆಚ್ಚಗಳು

ಭೂಮಿ ಖರೀದಿ

ಬಾಡಿಗೆ/ಗುತ್ತಿಗೆ ಪಾವತಿಗಳು

ವೈಯಕ್ತಿಕ ಬಳಕೆ ವಾಹನ

ಕಚೇರಿ ಕಟ್ಟಡದ ವೆಚ್ಚಗಳು

ಸಹಾಯಧನಕ್ಕೆ ಹೇಗೆ ಅರ್ಜಿ ಸಲ್ಲಿಸಬಹುದು?

ಯೋಜನೆ ದೇಶಾದ್ಯಂತ, ಕರ್ನಾಟಕ ಸೇರಿದಂತೆ ಎಲ್ಲಾ ರಾಜ್ಯಗಳಲ್ಲಿ ಜಾರಿಯಲ್ಲಿದೆ.

ಅರ್ಜಿಯ ಹಂತಗಳು:

1. ಆನ್‌ಲೈನ್ ಅರ್ಜಿ:

ರಾಷ್ಟ್ರೀಯ ಜಾನುವಾರು ಮಿಷನ್ ಪೋರ್ಟಲ್‌ನಲ್ಲಿ ಅರ್ಜಿ ಸಲ್ಲಿಕೆ:

https://nlm.udyamimitra.in/

2. ದಾಖಲೆ ಪರಿಶೀಲನೆ:

ರಾಜ್ಯ ಅನುಷ್ಠಾನ ಸಂಸ್ಥೆ ಅರ್ಜಿಯನ್ನು ಪರಿಶೀಲಿಸುತ್ತದೆ.

3. ಬ್ಯಾಂಕ್/ಹಣಕಾಸು ಸಂಸ್ಥೆಗೆ ಶಿಫಾರಸು:

ಅರ್ಹರಿಗೆ ಸಾಲ ಪಡೆಯಲು SIU ಶಿಫಾರಸು ಮಾಡುತ್ತದೆ.

4. ಬ್ಯಾಂಕ್ ದ್ವಾರಾ ಸಾಲ ಮಂಜೂರಾತಿ:

ಎಲ್ಲಾ ದಾಖಲೆಗಳ ಪರಿಶೀಲನೆಯ ನಂತರ ಸಾಲ ಮಂಜೂರು.

5. ರಾಜ್ಯ ಮಟ್ಟದ ಕಾರ್ಯಕಾರಿ ಸಮಿತಿ ಅನುಮೋದನೆ

6. ಕೇಂದ್ರ ಸರ್ಕಾರದಿಂದ ಸಬ್ಸಿಡಿ ಅನುಮೋದನೆ

7. ಯೋಜನೆ ಆರಂಭ

8. ಯೋಜನಾ ವೆಚ್ಚದ 25% ಖರ್ಚಿನ ನಂತರ ಸಬ್ಸಿಡಿ ಬಿಡುಗಡೆ

ಸಬ್ಸಿಡಿ ಮೊತ್ತವನ್ನು SIDBI ಮೂಲಕ ಸಾಲ ನೀಡುವ ಬ್ಯಾಂಕ್‌ಗೆ ವರ್ಗಾಯಿಸಲಾಗುತ್ತದೆ, ಅಲ್ಲಿಂದ ಫಲಾನುಭವಿಗೆ ಬಿಡುಗಡೆ ಮಾಡಲಾಗುತ್ತದೆ. ಕೋಳಿ ಸಾಕಾಣಿಕೆ, ಹ್ಯಾಚರಿ ಮತ್ತು ಮದರ್ ಯೂನಿಟ್‌ಗಳಿಗೆ 50% ಸಹಾಯಧನ ನೀಡುವ ಈ ಯೋಜನೆ, ಗ್ರಾಮೀಣ ಉದ್ಯಮಶೀಲತೆಯ ವಿಸ್ತರಣೆಗೆ ಮತ್ತು ಉದ್ಯೋಗ ಸೃಷ್ಟಿಗೆ ಮಹತ್ತರ ಸಾಧ್ಯತೆಯಾಗಿದೆ. ಕಡಿಮೆ ಹೂಡಿಕೆಯಿಂದ ದೊಡ್ಡ ಮಟ್ಟದ ಉತ್ಪಾದನೆ ಸಾಧ್ಯವಾಗುತ್ತಿದ್ದು, ಭಾರತ ಸರ್ಕಾರದ ಕೃಷಿ-ಪಶುಸಂಗೋಪನಾ ವಲಯ ಬಲಪಡಿಸುವ ಗುರಿ ಇದರಿಂದ ಮತ್ತಷ್ಟು ವೇಗ ಪಡೆಯಲಿದೆ.