Donkey milk-ಕತ್ತೆಗೂ ಬಂತು ಕಾಲ,ಕತ್ತೆ ಹಾಲು ಮಾರಾಟದಿಂದ ತಿಂಗಳಿಗೆ 3 ಲಕ್ಷ ಆದಾಯ

Donkey milk-ಕತ್ತೆಗೂ ಬಂತು ಕಾಲ,ಕತ್ತೆ ಹಾಲು ಮಾರಾಟದಿಂದ ತಿಂಗಳಿಗೆ 3 ಲಕ್ಷ ಆದಾಯ

ಸಾಮಾನ್ಯವಾಗಿ ಕತ್ತೆ ಎಂದರೆ ಹೀಯಾಳಿಸುವವರೇ ಅಧಿಕ. ಆದರೆ ಈಗ ಕತ್ತೆಗೂ ಬೇಡಿಕೆ ಸೃಷ್ಟಿಯಾಗಿದೆ. ಯಾಕೆಂದರೆ ಕತ್ತೆಯ ಹಾಲಿ(Donkey Milk)ನಲ್ಲಿ ಅಪಾರ ಔಷಧೀಯ ಗುಣಗಳಿದ್ದು, ಜನರು ನಿಧಾನವಾಗಿ ಇದರತ್ತ ಮುಖ ಮಾಡುತ್ತಿದ್ದಾರೆ. ಪರಿಣಾಮವಾಗಿ ಕತ್ತೆ ಹಾಲು ಇತರ ಹಾಲಿಗಿಂತ ಸುಮಾರು 70 ಪಟ್ಟು ಅಧಿಕ ದರ ಹೊಂದಿದೆ.

ಗುಜರಾತ್‌ನ ರೈತರೊಬ್ಬರು ಕತ್ತೆ ಹಾಲು ಮಾರಾಟದಿಂದ ಪ್ರತಿ ತಿಂಗಳು ಸುಮಾರು 2-3 ಲಕ್ಷ ರೂ. ಆದಾಯ ಗಳಿಸುತ್ತಿದ್ದಾರೆ ಎಂದರೆ ನೀವು ನಂಬಲೇ ಬೇಕು (Viral News).

ಗುಜರಾತ್‌ನ ಪಟಾನ್ ಜಿಲ್ಲೆಯ ಧೀರೇನ್ ಸೋಲಂಕಿ 42 ಕತ್ತೆಗಳನ್ನು ಸಾಕುತ್ತಿದ್ದಾರೆ. ಕತ್ತೆ ಫಾರ್ಮ್ ಹೊಂದಿರುವ ಅವರು, ದಕ್ಷಿಣದ ರಾಜ್ಯಗಳ ಗ್ರಾಹಕರಿಗೆ ಕತ್ತೆ ಹಾಲನ್ನು ಪೂರೈಸುವ ಮೂಲಕ ತಿಂಗಳಿಗೆ 2-3 ಲಕ್ಷ ರೂ. ಗಳಿಸುತ್ತಿದ್ದಾರೆ.

ಧೀರೇನ್ ಸೋಲಂಕಿ ಹಿನ್ನೆಲೆ

ಈ ಯಶಸ್ಸಿನ ಪಯಣವನ್ನು ಧೀರೇನ್‌ ವಿವರಿಸುವುದು ಹೀಗೆ: ʼʼನಾನು ಆರಂಭದಲ್ಲಿ ಸರ್ಕಾರಿ ಉದ್ಯೋಗಕ್ಕಾಗಿ ಪ್ರಯತ್ನ ಪಡುತ್ತಿದೆ. ಆದರೆ ಸಿಕ್ಕಿರಲಿಲ್ಲ. ಖಾಸಗಿ ಕಂಪೆನಿಯೊಂದರಲ್ಲಿ ಸಿಕ್ಕ ಉದ್ಯೋಗ ನನ್ನ ಖರ್ಚಿಗೆ ಸಾಕಾಗುತ್ತಿರಲಿಲ್ಲ. ಇದೇ ವೇಳೆ ನನಗೆ ದಕ್ಷಿಣ ಭಾರತದಲ್ಲಿ ಕತ್ತೆ ಹಾಲು ಜನಪ್ರಿಯವಾಗಿರುವ ಬಗ್ಗೆ ತಿಳಿಯಿತು. ಈ ಬಗ್ಗೆ ಅನುಭವಿರುವ ಕೆಲವು ವ್ಯಕ್ತಿಗಳನ್ನು ಭೇಟಿಯಾಗಿ ಹೆಚ್ಚಿನ ವಿವರ ತಿಳಿದುಕೊಂಡೆ. ಅದರಂತೆ ಸುಮಾರು 8 ತಿಂಗಳ ಹಿಂದೆ ನನ್ನ ಹಳ್ಳಿಯಲ್ಲಿ ಈ ಕತ್ತೆ ಫಾರ್ಮ್ ಅನ್ನು ಸ್ಥಾಪಿಸಿದೆ” ಎಂದು ಅವರು ಹೇಳಿದ್ದಾರೆ. ಆರಂಭದಲ್ಲಿ 20 ಕತ್ತೆಗಳೊಂದಿಗೆ ಫಾರ್ಮ್‌ ಆರಂಭಿಸಿದ್ದ ಅವರು ಅದಕ್ಕಾಗಿ 22 ಲಕ್ಷ ರೂ.ಗಳ ಬಂಡವಾಳ ಹೂಡಿಕೆ ಮಾಡಿದ್ದರು.

ಕಷ್ಟದ ಹಾದಿ

ಆದರೆ ಧೀರೇನ್‌ ಅವರ ಆರಂಭಿಕ ದಿನಗಳು ಸುಲಭದ್ದಾಗಿರಲಿಲ್ಲ. ಗುಜರಾತ್‌ನಲ್ಲಿ ಕತ್ತೆ ಹಾಲಿಗೆ ಹೆಚ್ಚಿನ ಬೇಡಿಕೆ ಇರಲಿಲ್ಲ. ಮೊದಲ 5 ತಿಂಗಳು ಯಾವುದೇ ಆದಾಯ ಬಂದಿರಲಿಲ್ಲ. ಬಳಿಕ ಅವರು ಕತ್ತೆ ಹಾಲಿಗೆ ಬೇಡಿಕೆ ಇರುವ ದಕ್ಷಿಣ ಭಾರತದ ಕಂಪೆನಿಗಳನ್ನು ಸಂಪರ್ಕಿಸಿದರು. ಈಗ ಅವರು ಕರ್ನಾಟಕ ಮತ್ತು ಕೇರಳದ ಗ್ರಾಹಕರಿಗೆ ಕತ್ತೆ ಹಾಲನ್ನು ಪೂರೈಸುತ್ತಿದ್ದಾರೆ. ಕೆಲವು ಸೌಂದರ್ಯ ವರ್ಧಕ ಕಂಪೆನಿಗಳು ತಮ್ಮ ಉತ್ಪನ್ನಗಳಲ್ಲಿ ಕತ್ತೆ ಹಾಲನ್ನು ಬಳಕೆ ಮಾಡುತ್ತಿವೆ. ಹೀಗಾಗಿ ಧೀರೇನ್‌ ಅವರ ಉದ್ಯಮ ಯಶಸ್ಸಿನ ಹಾದಿಯಲ್ಲಿ ಸಾಗುತ್ತಿದೆ.

ದುಬಾರಿ ದರ(donkey milk price)

ದರದ ಬಗ್ಗೆ ವಿವರಿಸುವ ಅವರು, ಕತ್ತೆ ಹಾಲಿಗೆ ಸದ್ಯ ಲೀಟರ್‌ಗೆ 5,000 ರೂ.ಯಿಂದ 7,000 ರೂ.ವರೆಗೆ ಇದೆ ಎಂದು ಹೇಳುತ್ತಾರೆ. ಹಾಲನ್ನು ಒಣಗಿಸಿ ಪುಡಿ ರೂಪದಲ್ಲಿಯೂ ಮಾರಾಟ ಮಾಡಲಾಗುತ್ತದೆ. ಇದರ ಬೆಲೆ ಕೆ.ಜಿ.ಗೆ ಸುಮಾರು ಒಂದು ಲಕ್ಷ ರೂ.ವರೆಗೆ ಇದೆ. ಸದ್ಯ ಅವರ ಫಾರ್ಮ್‌ನಲ್ಲಿ 42 ಕತ್ತೆಗಳಿವೆ. ಇದುವರೆಗೆ ಸುಮಾರು 38 ಲಕ್ಷ ರೂ. ಹೂಡಿಕೆ ಮಾಡಿದ್ದಾರೆ. ಇದಕ್ಕಾಗಿ ರಾಜ್ಯ ಸರ್ಕಾರದ ಯಾವುದೇ ನೆರವು ಪಡೆದುಕೊಂಡಿಲ್ಲ ಎಂದು ಅವರು ತಿಳಿಸಿದ್ದಾರೆ.

ಕತ್ತೆ ಹಾಲಿನ ಪ್ರಯೋಜನ(donkey milk benefits)

ಕತ್ತೆ ಹಾಲು ಚರ್ಮ ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದಂತೆ ಸಾಕಷ್ಟು ಪ್ರಯೋಜನವನ್ನು ನೀಡುತ್ತದೆ. ಹಸು, ಮೇಕೆ, ಕುರಿ, ಎಮ್ಮೆ ಮತ್ತು ಒಂಟೆಗಳ ಹಾಲಿಗೆ ಹೋಲಿಸಿದರೆ ಕತ್ತೆ ಹಾಲು ಮಾನವನ ಎದೆ ಹಾಲನ್ನು ಹೋಲುತ್ತದೆ ಎನ್ನುವುದು ಹಲವು ಅಧ್ಯಯನಗಳ ಮೂಲಕ ಸಾಬೀತಾಗಿದೆ. ಇದರಲ್ಲಿ ವಿಟಮಿನ್‌ಗಳು, ಖನಿಜ ಮತ್ತು ಪ್ರಮುಖ ಕೊಬ್ಬಿನಾಮ್ಲಗಳಿವೆ. ಜತೆಗೆ ಕ್ಯಾಲ್ಸಿಯಂ, ರಂಜಕ ಮತ್ತು ಪೊಟ್ಯಾಸಿಯಮ್ ಅನ್ನು ಹೊಂದಿದೆ. ಆದರೆ ಕತ್ತೆ ಹಾಲು ವಿರಳವಾಗಿರುವುದರಿಂದ ದುಬಾರಿಯಾಗಿದೆ ಎಂದು ತಜ್ಞರು ಅಭಿಪ್ರಾಯಪಡುತ್ತಾರೆ.

 
ಪ್ರಾಚೀನ ಕಾಲದಲ್ಲೂ ಇತ್ತು ಬಳಕೆ

ಪ್ರಾಚೀನ ಕಾಲದಿಂದಲೇ ಕತ್ತೆ ಹಾಲನ್ನು ವ್ಯಾಪಕವಾಗಿ ಬಳಸಲಾಗುತ್ತಿತ್ತು. ಈಜಿಪ್ಟಿನ ರಾಣಿ ಕ್ಲಿಯೋಪಾತ್ರಾ ಕತ್ತೆ ಹಾಲಿನಲ್ಲಿ ಸ್ನಾನ ಮಾಡುತ್ತಿದ್ದಳು ಎಂದು ಕೆಲವು ದಾಖಲೆಗಳು ಹೇಳುತ್ತವೆ. ವೈದ್ಯಶಾಸ್ತ್ರದ ಪಿತಾಮಹ, ಗ್ರೀಕ್ ವೈದ್ಯ ಹಿಪ್ಪೊಕ್ರೇಟ್ಸ್ ಯಕೃತ್ತಿನ ತೊಂದರೆಗಳು, ಮೂಗಿನ ರಕ್ತಸ್ರಾವ, ವಿಷ, ಸಾಂಕ್ರಾಮಿಕ ರೋಗಗಳು ಮತ್ತು ಜ್ವರಗಳಿಗೆ ಕತ್ತೆ ಹಾಲು ಉತ್ತಮ ಔಷಧ ಎಂದು ಹೇಳಿದ್ದಾನೆ ಎಂದು ಇತಿಹಾಸದ ತಿಳಿಸುತ್ತದೆ.

ಅಮೆರಿಕದ ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್ ವರದಿಯ ಪ್ರಕಾರ, ಹಸುವಿನ ಹಾಲಿಗೆ ಹೋಲಿಸಿದರೆ ಕತ್ತೆ ಹಾಲಿನ ಸಂಯೋಜನೆಯು ಮಾನವ ಹಾಲನ್ನು ಹೆಚ್ಚು ಹೋಲುತ್ತದೆ. ಇದು ಶಿಶುಗಳಿಗೆ, ವಿಶೇಷವಾಗಿ ಹಸುವಿನ ಹಾಲಿನ ಅಲರ್ಜಿ ಹೊಂದಿರುವವರಿಗೆ ಉತ್ತಮ ಆಯ್ಕೆ. ಒಟ್ಟಿನಲ್ಲಿ ಇನ್ನು ಮುಂದೆ ಕತ್ತೆ ಎಂದು ಬೈಯ್ಯುವ ಮುನ್ನ ಎಚ್ಚರಿಕೆ ವಹಿಸಿ.

Rat milk-ಕತ್ತೆ ಹಾಲು ಆಯ್ತು, ಈಗ ಇಲಿ ಹಾಲಿಗೂ ಬಂತು ಡಿಮ್ಯಾಂಡ್

ನೀವು ಯಾವ ಹಾಲು ಕುಡಿಯುತ್ತೀರಿ? ಹಸುವಿನ ಹಾಲು, ಎಮ್ಮೆಯ ಹಾಲು? ಕತ್ತೆಯ ಹಾಲು? ಇವುಗಳಲ್ಲಿ ಯಾವುವುದಾದರಲ್ಲಿ ಒಂದಾದರೂ ಹಾಲು ಕುಡಿಯುತ್ತೀರಿ ಅಲ್ವಾ? ಆದರೆ ಯಾವತ್ತಾದರೂ ಇಲಿಯ ಹಾಲಿನ ಬಗ್ಗೆ ಹೇಳಿದ್ದೀರಾ?

ನೀವು ವಿವಿಧ ರೀತಿಯ ಹಾಲು ಕುಡಿಯುತ್ತೀರಿ. ವಿವಿಧ ರೀತಿಯ ಹಾಲಿನ ಬಗ್ಗೆಯೂ ಕೇಳಿರುತ್ತಿರಿ ಅಲ್ವಾ?
ಹಸುವಿನ ಹಾಲು? ಮೇಕೆ ಹಾಲು? ಸೋಯಾ ಹಾಲು? ಇತ್ಯಾದಿ. ಆದರೆ ಯಾವ ಹಾಲು ಅತ್ಯಂತ ದುಬಾರಿ ಹಾಲು ಅನ್ನೋದು ನಿಮಗೆ ಗೊತ್ತಾ? ಕತ್ತೆಯ ಹಾಲು ಎಂದು ಹಸುವಿನ ಹಾಲು? ಮೇಕೆ ಹಾಲು? ಸೋಯಾ ಹಾಲು? ಇತ್ಯಾದಿ. ಆದರೆ ಯಾವ ಹಾಲು ಅತ್ಯಂತ ದುಬಾರಿ ಹಾಲು ಅನ್ನೋದು ನಿಮಗೆ ಗೊತ್ತಾ? ಕತ್ತೆಯ ಹಾಲು ಎಂದು ನೀವಂದ್ರೆ, ಅದು ಸುಳ್ಳು. ಯಾಕಂದ್ರೆ ಇಲಿ ಹಾಲು (Rat milk) ಇದಕ್ಕೆ ಉತ್ತರ.

 
ಶಾಕ್ ಆಯ್ತಾ? ಆದ್ರೆ ಇದು ನಿಜ, ಇಲಿ ಹಾಲು ತುಂಬಾ ದುಬಾರಿ. ಇದು ಏಕೆ ದುಬಾರಿ? 'ಇಲಿ ಹಾಲು' ಪಡೆಯುವುದು ಸುಲಭವಲ್ಲ. 30 ನಿಮಿಷಗಳ ಪ್ರಕ್ರಿಯೆಯಲ್ಲಿ ಇಲಿಯಿಂದ ಕೊಂಚ ಮಾತ್ರ ಹಾಲು ಉತ್ಪಾದಿಸಲು ಸಾಧ್ಯ. 1 ಲೀಟರ್ ಹಾಲು ಪಡೆಯಲು ಬರೋಬ್ಬರಿ ನಾಲ್ಕು ಸಾವಿರ ಇಲಿಗಳು (40thousand rats) ಬೇಕಾಗುತ್ತವೆ. ಈ ಇಲಿಗಳ 1 ಲೀಟರ್ ಹಾಲಿನ ಮೌಲ್ಯ 23 ಸಾವಿರ ಯುರೋಗಳು. ಅಂದರೆ ಬರೋಬ್ಬರಿ 18 ಲಕ್ಷ ರೂಪಾಯಿ.

 
ಇಲಿ ಹಾಲನ್ನು ಸಂಶೋಧನೆಯ ಸಾಧನವಾಗಿ ಬಳಸಲಾಗುತ್ತದೆ. ಮಲೇರಿಯಾ ಬ್ಯಾಕ್ಟೀರಿಯಾವನ್ನು ನಿರ್ಮೂಲನೆ ಮಾಡುವ ಔಷಧಿ, ವಸ್ತುಗಳನ್ನು ತಯಾರಿಸಲು ಇಲಿ ಹಾಲನ್ನು ಬಳಸಲಾಗುತ್ತಂತೆ. ಹಾಗಿದ್ದರೆ ವಿಜ್ಞಾನಿಗಳು ಹಸುವಿನ ಹಾಲಿನ ಬದಲು ಇಲಿಗಳ ಹಾಲನ್ನು ಏಕೆ ಬಳಸುತ್ತಾರೆ?

 
ಸಂಶೋಧಕರ ನೆಚ್ಚಿನ ಪ್ರಾಣಿ ಎಂದರೆ ಇಲಿ ಅನ್ನೋದು ಗೊತ್ತೇ ಇದೆ. ಏಕೆಂದರೆ ಇಲಿಗಳ ಡಿಎನ್‌ಎ (DNA) ಬಗ್ಗೆ ತುಂಬಾ ಕಡಿಮೆ ತಿಳಿದಿದೆ, ಇತರ ಯಾವುದೇ ಪ್ರಾಣಿಗಳ ಡಿಎನ್‌ಎಗಿಂತ ಹೆಚ್ಚು ಎಫೆಕ್ಟಿವ್. ಇದು ಮನುಷ್ಯನ ದೇಹಕ್ಕೆ ರಿಲೇಟ್ ಆಗಿರುತ್ತದೆ. ಆದ್ದರಿಂದ ಪ್ರಯೋಗದ ಫಲಿತಾಂಶಗಳನ್ನು ವಿಶ್ಲೇಷಿಸುವುದು ಸುಲಭವಾಗುತ್ತದೆ. ಎಲ್ಲಾ ಪ್ರಯೋಗಗಳಿಗೆ ಸಾವಿರಾರು ಪ್ರಾಣಿಗಳು ಬೇಕಾಗುತ್ತವೆ. ಏಕೆಂದರೆ ಸಾವಿರಾರು ಹಸುಗಳಿಗಿಂತ ಸಾವಿರಾರು ಇಲಿಗಳನ್ನು ನಿರ್ವಹಿಸುವುದು ಹೆಚ್ಚು ಪ್ರಾಯೋಗಿಕ.

 
ಇಲಿ ಹಾಲು ಅತ್ಯಂತ ದುಬಾರಿ (costly milk) ಹಾಲು. ಇದಕ್ಕೆ ಕಾರಣ ಏನು ಅನ್ನೋದನ್ನು ನೀವು ಈಗಾಗಲೇ ತಿಳಿದಿರುತ್ತೀರಿ. ಸಾವಿರಾರು ಇಲಿಗಳಿಂದ ಮಾತ್ರ ಒಂದು ಲೀಟರ್ ಹಾಲು ತಯಾರಿಸಾಲು ಸಾಧ್ಯ. ಹಾಗಾಗಿ ಈ ಹಾಲು ಹೆಚ್ಚು ದುಬಾರಿಯಾಗಿದೆ.

 
ಹಾಗಿದ್ರೆ ಹೆಚ್ಚು ಹಾಲು ಉತ್ಪಾದಿಸುವ ಪ್ರಾಣಿ ಯಾವುದು? ಒಂದು ಹಸು (cow milk) ಒಂದು ವರ್ಷದಲ್ಲಿ ಸುಮಾರು 10 ಸಾವಿರ ಲೀಟರ್ ಹಾಲನ್ನು ಉತ್ಪಾದಿಸಬಹುದು. ಇದು ತೂಕಕ್ಕಿಂತ 7 ಪಟ್ಟು ಹೆಚ್ಚು. ಮೇಕೆ ಹಾಲು ವರ್ಷಕ್ಕೆ ಅವುಗಳ ತೂಕದ 12 ಪಟ್ಟು ಉತ್ಪಾದಿಸುತ್ತದೆ.

 
ನೀಲಿ ತಿಮಿಂಗಿಲವು (Blue whale) ಇದುವರೆಗಿನ ಎಂದೂ ಮುರಿಯದ ದಾಖಲೆ ನಿರ್ಮಿಸಿದೆ. ಒಂದು ದಿನದಲ್ಲಿ ನೀಲಿ ತಿಮಿಂಗಿಲವು 600 ಲೀಟರ್ ಹಾಲನ್ನು ಉತ್ಪಾದಿಸುತ್ತದೆ ಅಂದರೆ ನೀವು ನಂಬಲೇಬೇಕು. ಈ ಹಾಲು ತುಂಬಾ ಕೊಬ್ಬಿನಿಂದ ಕೂಡಿರುತ್ತದೆ., ಆದ್ದರಿಂದ ಮರಿ ತಿಮಿಂಗಿಲವು ದಿನಕ್ಕೆ 100 ಕೆಜಿ ತೂಕ ಹೆಚ್ಚಿಸಲು ಸಾಧ್ಯ.

 
ಮಲೇರಿಯಾ ರೋಗವನ್ನು ಗುಣಪಡಿಸಲು ಮತ್ತು ಸಂಶೋಧನಾ ಸಾಮಗ್ರಿಗಳ ತಯಾರಿಕೆಗಾಗಿ ಇಲಿ ಹಾಲನ್ನು ಜೆನೆಟಿಕ್ ಎಂಜಿನಿಯರಿಂಗ್ ಮಾಡಲಾಗುತ್ತದೆ. ಹಾಗಾಗಿ ಇಲಿ ಹಾಲು ತುಂಬಾನೆ ದುಬಾರಿಯಾಗಿವೆ ಎಂದು ಸಂಶೋಧನೆಗಳು ತಿಳಿಸಿವೆ.ನೀವಂದ್ರೆ, ಅದು ಸುಳ್ಳು. ಯಾಕಂದ್ರೆ ಇಲಿ ಹಾಲು (Rat milk) ಇದಕ್ಕೆ ಉತ್ತರ.

Insect food-ಧಾರವಾಡ ಕೃಷಿಮೇಳದಲ್ಲಿ ಗಮನಸೆಳೆದ ಹುಳಗಳಿಂದ ಮಾಡಿದ ತಿಂಡಿತಿನಿಸು

ಕೀಟಪ್ರಪಂಚಕ್ಕೆ ಸ್ವಾಗತ

ಧಾರವಾಡ ಕೃಷಿಮೇಳದ ವಿಡಿಯೋ ಝಲಕ್ ನಿಮಗಾಗಿ

https://youtu.be/r7KxsRCKa2w?si=Fh72XQYXs1JZ1EVo 

ಧಾರವಾಡ: ಪೂರ್ವ ಏಷ್ಯಾ, ಅಂದರೆ ಚೀನಾ, ಥಾಯ್ಲೆಂಡ್, ಕೊರಿಯಾ ದೇಶಗಳಲ್ಲಿ ಹಾಗೂ ಆಫ್ರಿಕಾ ಖಂಡದ ಅನೇಕ ಬುಡಕಟ್ಟು ಜನಾಂಗಗಳು ನಾನಾ ರೀತಿಯ ಕೀಟಗಳನ್ನೂ ಭಕ್ಷ್ಯದ ರೀತಿ ಸೇವಿಸುತ್ತಾರೆ. ಕೆಲವರು ಕರಿದು ತಿಂದರೆ ಇನ್ನೂ ಕೆಲವರು ಹುರಿದು ತಿನ್ನುತ್ತಾರೆ. ಕೆಲ ಕೀಟಗಳನ್ನು ಹಸಿ ಹಸಿಯಾಗಿಯೇ ತಿನ್ನುತ್ತಾರೆ. ಇದೀಗ ಧಾರವಾಡದ ಕೃಷಿ ಮೇಳದಲ್ಲೂ ಕೀಟಗಳಿಂದ ತಯಾರಿಸಿದ ಭಕ್ಷ್ಯಗಳು ಎಂಟ್ರಿ ಕೊಟ್ಟಿದ್ದು, ತಜ್ಞರು ಟ್ರೈ ಮಾಡಿ ನೋಡಿ. ಏನೂ ಆಗಲ್ಲ ಎನ್ನುತ್ತಿದ್ದಾರೆ.

ಮೂಡಿಸುತ್ತಿದೆ ಧಾರವಾಡ ಕೃಷಿ ಮೇಳದಲ್ಲಿನ ಒಂದು ಪ್ರದರ್ಶನ ಎಲ್ಲರಲ್ಲೂ ಅಚ್ಚರಿ ಮೂಡಿಸುತ್ತಿದ್ದು ಮನುಷ್ಯರು ಕೀಟಗಳನ್ನೇ ಫ್ರೈ ಮಾಡಿ ತಿನ್ನಬಹುದಾ? ಚೀನಿಯರಂತೆ ಭಾರತೀಯರು ಜಿರಲೆ ತಿಂದ್ರೆ ಏನೂ ಆಗೋಲ್ವಾ? ಮುಂದೊಂದು ದಿನ ಕೀಟಗಳ ಭಕ್ಷ್ಯವನ್ನೇ ತಿನ್ನಬೇಕಾಗುತ್ತಾ? ಎಂಬಂತ ಪ್ರಶ್ನೆಗಳನ್ನು ನೋಡುಗರಲ್ಲಿ ಹುಟ್ಟು ಹಾಕುತ್ತದೆ.

ಕೃಷಿ ವಿವಿಯ ಕೀಟ ಶಾಸ್ತ್ರ ವಿಭಾಗದಿಂದ ವಿನೂತನ ಪ್ರಯೋಗ ನಡೆಯುತ್ತಿದ್ದು  ಇಲ್ಲಿ ವಿವಿಧ ಕೀಟಗಳ 15 ಭಕ್ಷ್ಯಗಳು ಪ್ರದರ್ಶನಕ್ಕಿವೆ. ಪ್ರದರ್ಶನ ವಿವರಿಸಲು ನಿಂತಿರುವ ಕೀಟ ತಜ್ಞರು “ತಿಂದು ನೋಡಿ ಏನೂ ಆಗೋಲ್ಲಾ” ಎಂದು ಜನರನ್ನು ಹುರಿದುಂಬಿಸುತ್ತಿದ್ದಾರೆ. ಆದರೆ ಕೀಟದ ಅಹಾರ ನೋಡಿ ಜನ ಮಾತ್ರ ಶಾಕ್ ಆಗುತ್ತಿದ್ದಾರೆ.

ಮಿಡತೆ ಹಾಗೂ ಜಿರಳೆ ಫ್ರೈ, ಮಿಡತೆ ಮಸಾಲಾ, ರೇಷ್ಮೆ ಕೋಶದ ಸೂಪ್, ರೇಷ್ಮೆ ಹುಳುಗಳ ಬರ್ಗರ್, ಕೀಟಗಳ ಪನ್ನೀರ ಟಿಕ್ಕಾ ಸೇರಿದಂತೆ ವಿವಿಧ ಪದಾರ್ಥಗಳ ಪ್ರದರ್ಶನ ಇಲ್ಲಿ ನಡೆಯುತ್ತಿದೆ.

ಈ ಹುಳಗಳು ಕೂಡ ಮಾಂಸಾಹಾರದ ರೀತಿಯೇ ಅನೇಕ ಪೌಷ್ಟಿಕಾಂಶಗಳನ್ನು ಹೊಂದಿರುತ್ತದೆ. ಪ್ರೋಟಿನ್ ವಿಟಾಮಿನ್‍ಗಳೇ ತುಂಬಿರುವ ಕೀಟಗಳು ಆರೋಗ್ಯಕ್ಕೆ ಪೂರಕ ಎನ್ನುತ್ತಿದ್ದಾರೆ ಕೀಟ ತಜ್ಞರು. ಇದೇ ಕಾರಣಕ್ಕಾಗಿ ಚೀನಾ, ಥಾಯ್ಲೆಂಡ್, ಕೋರಿಯಾ ದೇಶಗಳ ಜನ ಸೇವಿಸುವ ಪದಾರ್ಥಗಳಲ್ಲಿ ಕೀಟಗಳೂ ಇರುತ್ತವೆ. ಭಾರತೀಯರು ಸೇವಿಸಿದರೂ ಸಮಸ್ಯೆ ಆಗಲಾರದು ಎಂದು ಕೀಟ ತಜ್ಞರು ಹೇಳಿದ್ದಾರೆ.

ಹುಳುಗಳಿಂದ ಮಾಡಿದ ಚಿಟ್ಟೆಸ್ವಾಮಿ ಕ್ರಿಡಾಂಗಣ